Lajme
Trajneri shqiptar e dërgon ekipin për të dytën herë në finalen e Bundesligës austriake të hendbollit
Tifozët e UHK Krems por edhe bashkatdhetarët tanë në Austri, shpresojnë për një festë kampionati si në vitin 2019
Trajneri nga Kosova, Ibish Thaçi, është duke korrur suksese të jashtëzakonshme në Bundesligën austriake të hendbollit. Si trajner i ekipit të UHK Krems, ai kërkon për të dytën herë të shpallet kampion i Bundesligës austriake, njofton albinfo.at.
Skuadra nga Krems mirëpret të shtunën kampionet në fuqi, HC Hard. Finalja e parë përfundoi me 31:30 në të mirën e ekipit të trajnerit tonë që vjen nga qyteti i Gjakovës.
Tifozët e UHK Krems, por edhe bashkatdhetarët tanë në Austri, shpresojnë për një festë kampionati si në vitin 2019. Fitorja e mundshme do të ishte triumfi i dytë i HLA-së dhe titulli i pestë i kampionatit austriak për ekipin e Krems-it.
Ndeshja e dytë e finales do të zhvillohet më 04.06., duke filluar nga ora 20:15 dhe do të transmetohet drejtpërdrejt në televizionin publik austriak (ORF Sport +), raporton albinfo.at.
Ibish Thaçi karrierën e tij e filloi në St.Pölten (Unionin St.Pölten). Ai ishte një nga lojtarët më të mirë dhe bëri një karrierë të shkëlqyeshme.
Pas karrierës së tij si lojtar, Ibishi vendosi për një karrierë si trajner dhe tërhoqi menjëherë vëmendjen, duke u ngjitur në Bundesligën më të lartë me St.Pölten.
I uritur për suksese të reja, ai vazhdoj të rritej si trajner profesionist dhe u zhvendos në ekipin e Krems.
Në vitin 2019, me ekipin e UHK Krems trajneri Thaçi u shpall kampion austriak në hendboll.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit