Kosova
Trendi 2020 – Ide për pushime verore në vendlindje
Argëtimi në natyrë me familjen ose shoqërinë është trendi i pushimeve verore këtë vit. Operatorët turistikë në Kosovë prej disa muajsh kanë përgatitur paketat verore për vizitorë, me aktivitete të reja dhe kreative që zëvendësojnë modelin e pushimeve para COVID-19.
Një përvojë krejt ndryshe!
Imagjinoje këtë: zgjohesh në mëngjes nga aroma e kafesë së freskët të sapopjekur, me cicërimat e zogjve që i sjell flladi i lehtë që luhat gjethet. E gjithë dita është para teje. Së pari, shujta e mëngjesit me produkte të vendit, të përgatitura me durim dhe dashuri. Pak më tutje, të pret biçikleta për të eksploruar bashkë malet e larta dhe krenare. Merr frymë thellë. Je rrethuar nga bukuritë natyrore dhe paqja e plotë.
Je në vendin e duhur.
Nëse të pëlqen çiklizmi, atëherë ky është turi i duhur për ty. Brenda një dite do të përjetosh atraksionet në natyrë dhe objektet kulturore. Eksploro pamjet e mahnitshme të Grykës së Rugovës, një nga kanionet më të larta në Evropë, që gjendet në qytetin e bukur të Pejës. Në këtë rajon gjendet Patrikana e Pejës, objekt nën mbrojtjen e UNESCO-s, i ndërtuar në shekullin XIII.
Vizito fshatin e Vëllezërve Gërvalla, Kullat e Dukagjinit, Manastirin e Deçanit që po ashtu është i mbrojtur nga UNESCO, pranë të cilit gjendet burimi i mrekullueshëm me ujë mineral. Pastaj vazhdojmë tek Kullat e Drenocit. Ky tur të jep mundësinë fantastike ta njohësh nga afër destinacionin Kosovë.
Do të kesh rastin që vendlindjen ta përjetosh përmes aventurës, duke mësuar për arkitekturën unike, teknikat e punës me dru, duke shijuar ngjyrat dhe aromat e natyrës së paprekur, teksa banorët e vendit rrëfejnë histori të patreguara më parë. Nëse ky tur me biçikleta ende s’ka arritur të të bindë, të tregojmë se pas shëtitjes i vjen radha flisë tradicionale, shoqëruar nga rakia, që thuhet se ka fuqi shëruese, gjithçka nën sfondin e muzikës tradicionale.
A po bëhesh gati? Mos e humb këtë mundësi unike. Merr vetëm këpucët për ecje dhe çantën e shpinës. Për pjesën tjetër kujdesemi ne. Kosova po të pret.
Foto: PPSE Kosova
Artikulli është publikuar në magazinës albinfo.ch, numrin special të verës 2020
Të tjera nga Kosova
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?