Turqia i dhuroi FSK-së edhe një autoblindë

Shteti turk i ka dhuruar FSK-së edhe një Autoblindë për qëllime mjekësore.
Në Kazermën “Adem Jashari” në Prishtinë, u mbajt ceremonia e pranim- dorëzimit të Autoblindës të ndihmës së parë “Cobra 4×4” donacion nga Republika e Turqisë për Forcën e Sigurisë së Kosovës, e cila me të gjitha pajisjet rezervë kapë vlerën e përgjithshme prej 462.457 dollar.
Marrëveshja për pranim dorëzimin e këtij donacioni u nënshkrua nga atasheu ushtarak i Turqisë në Kosovë, nënkoloneli Ismail Ersoz dhe oficeri i Departamentit të Logjistikës në Ministrinë e Mbrojtjes, kapiteni Remzi Bushi.
“Ky donacion si dhe donacionet e shumta të tjera, të cilat i janë dhuruar FSK-së, janë rezultat i bashkëpunimit të mirëfilltë në mes të FSK-së dhe Ushtrisë së Turqisë, duke u bazuar në marrëveshjen për ndihmën financiare në ngritjen dhe profesionalizmin e FSK-së”, theksohet në njoftim transmeton albinfo.ch.