Turqia, në izolim total gjatë festës së Fitër Bajramit

Nga data 23 maj Turqia do të futet në izolim total gjatë tri ditëve të festës së Fiter Bajramit, kështu ka njoftuar presidentiRecep Tayyip Erdogan.

Ky vendim, siç tha Erdogan, është marrë në kuadër të përpjekjeve për të frenuar përhapjen e koronavirusit, teksa vendi do të kremtojë Festën e Fitër Bajramit.

Duke folur pas takimit të kabinetit qeverisës, Erdogan po ashtu tha se shkollat nuk do të rihapen gjatë këtij viti akademik, duke shtuar se mësimi në shkolla do të nisë në shtator, në vitin e ri akademik.

President turk po ashtu tha se xhamitë nga 29 maji do të rihapen për besimtarët për të kryer lutjet e mesditës dhe pasdites.
Sipas të dhënave të Universitetit Johns Hopkins, në Turqi deri më tani janë regjistruar mbi 149,000 raste me koronavirus dhe mbi 4,100 të vdekur , përcjell Albinfo.ch.