Bota

TV “Sky News” posedon 22 mijë emra të anëtarëve të IS-it

Një luftëtar i shkëputur nga radhët e grupit terrorist IS ka arritur të sigurojë të dhënat personale të 22 mijë anëtarëve të IS-it dhe ia ka dorëzuar këto televizionit anglez “Sky  New”. Të dhënat janë të detajuara dhe përmbajnë, ndër të tjera, edhe përgjigjen në pyetjen e personave rekrutues të tyre, shkruan nzz.

Këto të dhëna janë një thesar i çmuar për hetuesit në njohjen jo vetëm anëtarëve të rëndomtë të Is-it, por edhe të organizatorëve të tij dhe, sidomos, të nxitësve, organizatorëve dhe akzekutuesve të atentateve të ndryshme të bëra nga IS-i.

Formularët e siguruar përfshijnë edhe të dhëna mbi grupin e gjakut, përvojën luftarake, arsimimin, profesionin dhe njohuritë mbi Sheriatin, transmeton albinfo.ch. Përmes këtyre fakteve të siguruara do të mund, ndër të tjera, të ndërpriteshin edhe rrugët transit të furnizimit të IS-it me rekrutë dhe njëkohësisht do të rritetej presioni ndaj shteteve transite siç është Turqia.

 

Përmbledhur për albinfo.ch shkurtimisht nga NZZ : Nexhmedin Gerguri