Lajme
Ushtari austriak lirohet nga akuza për dhunim të kosovares
Por mbetet kontestuese nëse ai ka pasur marrëdhënie seksuale me femrën e përmendur dhe nëse e ka kërcënuar atë se mund ta humbte vendin e punës
Një ish ushtar austriak në Kosovë ishte akuzuar për dhunim seksual si dhe për kërcënim dhe shkaktim lëndimesh trupore.
Gjykata e Landit në Klagenfurt (Austri) e ka shpallur ish ushtarin të pafajshëm sa i takon akuzës për dhunim seksual, por ai është dënuar me shtatë muaj burg me kusht për lëndim trupor dhe kërcënim të rrezikshëm.
Rasti i shkaktimit të lëndimit trupor dhe kërcënimit nuk ka të bëjë me angazhimin e tij në Kosovë. Ai ka ndodhur më vonë, por gjykata e ka lidhur për shkaqe procedurale me rastin e parë.
Trupi gjykues nuk ka mundur të vërtetojë pohimet e akuzës, sipas të cilave i akuzuari në vitin 2011 kishte dhunuar një kosovare të punësuar si staf lokal në kampin ushtarak, shkruan orf.at. Por, mbetet kontestuese nëse ai ka pasur marrëdhënie seksuale me femrën e përmendur dhe nëse e ka kërcënuar atë se mund ta humbte vendin e punës në rast se do të ndërpriste marrëdhenien me të.
Pasi kishin marrë vesh për rastin, autoritetet e forcave të armatosura të Austrisë (Bundesheer) kishin iniciuar një procedurë disiplinore ndaj ushtarit të cilin e kishin tërhequr nga misioni në Kosovë dhe i kanë bërë kallëzim penal në prokurori.
I akuzuari ka mohuar akuzën për dhunim por ka pranuar vendimin gjyqësor.
Vendimi gjyqësor nuk është ende i plotfuqishëm.
Të tjera nga Lajme
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?