Koronavirusi: çast pas çasti
“Vaksinat e para në fillim të vitit 2021”
Komentet e Fauci erdhën në të njëjtën ditë kur Trump tha se virusi do të zhduket me kalimin e kohës
Zyrtari i lartë i sëmundjeve infektive në SHBA, Anthony Fauci, tha se prodhuesit e barnave me shumë gjasa do të kenë dhjetra miliona doza të vaksinave të koronavirusit në fillim të vitit të ardhshëm dhe prodhimi do të shtohet në 1 miliardë deri në fund të vitit 2021.
Fauci tha se shpreson që bota të kalojë pandeminë që ka lënë të vdekur mbi 700,000 njerëz në të gjithë botën, deri në fund të vitit të ardhshëm, me ndihmën e një vaksine.
“Me shumë gjasa do të kemi dhjetra milionë doza të vaksinave në fillim të vitit të ardhshëm.
Megjithatë, ndërsa hyjmë drejt vitit 2021, prodhuesit na kanë thënë se do të kemi mbase 1 miliardë doza deri në fund të atij viti. Procesi po ecën me një normë shumë të favorshme. Si shkencëtar që kam zhvilluar vaksina prej kohësh, do ndihesha mirë kur të kemi testuar mjaftueshëm njerëz, pa efekte anësore të papritura”, u shpreh ai, transmeton Scan.
Fauci shtoi se nuk ka parë ndonjë presion nga Shtëpia e Bardhë për të lajmëruar një vaksinë të suksesshme pranë zgjedhjeve të 3 Nëntorit, me shpresën për të nxitur shanset e rizgjedhes së Donald Trump, përcjell albinfo.ch.
Ai tha se rregullatorët e shëndetësisë kanë premtuar se nuk do të lejojnë që konsideratat politike të ndërhyjnë tek miratimi i një vaksine të Covid-19 dhe se siguria dhe efikasiteti do të jenë prioritet.
Komentet e Fauci erdhën në të njëjtën ditë kur Trump tha se virusi do të zhduket me kalimin e kohës.
Fauci ofroi një vlerësim më të ndërlikuar, duke thënë se disa pjesë të vendit kanë reaguar mirë në përmbajtjen e virusit, ndërsa të tjera ndodhen në katastrofë.
Ai e karakterizoi kundërpërgjigjen ndaj virusit si jo të koordinuar, për shkak të përmasës dhe diversitetit në vend.
Të ngjashme
Të tjera nga Koronavirusi: çast pas çasti
E-Diaspora
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër