Vdes papritur Adela e “Big Brother”

Një lajm tragjik është shpërndarë mëngjesin e sotëm, pasi gazetarët kanë kuptuar se kolegia e tyre e medias rozë, Adela Xhamani në orët e para të mëngjesit ka vdekur.

Gazetarja ka ndërruar jetë në moshën 31-vjeçare si pasojë e një arresti kardiak rreth orës 4:00 të mëngjesit.

Mediat në Tiranë raportojnë se edhe pse dy shoqet e saj kanë njoftuar ambulancën, përpjekjet për ta sjellë në jetë kanë rezultuar pa sukses.

Adela ka lindur në qytetin e Kavajës, ndërsa në vitet e para të karrierës së saj ka qenë mësuese letërsie në qytet. Më pas ka qenë pjesë e ‘Big Brother Albania 2’, ku ka pasur mjaft sukses në atë kohë, përcjell albinfo.ch.

Pas këtij ‘reality show’ ka punuar si kryeredaktore e suplementit ‘Bluetooth’ në ‘Gazetën Shqiptare’, si dhe kryeredaktore e Revistës ‘’Who”. Kohët e fundit ishte bërë pjesë e televizionit “FaxNews”.