Bota
Vendet ideale për të shkuar për Shën Valentin
Destinacionet në Evropë janë të panumërta, por disa vende njihen si qytete të dashurisë
Shën Valentini është pranë dhe pavarësisht se vit pas viti rrezikon të bëhet një festë komerciale, ekzistojnë ende njerëz romantikë të lidhur pas simbolit të saj.
Mënyra më e mirë për ta festuar Shën Valentinin është zgjedhja e një destinacioni romantik dhe të shkëputeni nga gjithçka e të gjithë, shkruan ‘monitor’.
Destinacionet në Evropë janë të panumërta, por disa vende njihen si qytete të dashurisë. Megjithatë, ja disa ide për të festuar Shën Valentinin.
Lisbona
Lisbona është e përshtatshme për çifte që kanë shpirtin e aventurës dhe e jetojnë jetën gjithnjë me buzëqeshje. Lisbona, vend i argëtimit dhe kulturës i ndërthurur me romantizmin që karakterizon lagjen historike Alfama dhe Baixa është vendi ideal për një arratisje dashurie.
Verona
Verona është ndër destinacionet ku mund të rezervoni me rastin e Shën Valentinit. Një qytet plot romancë dhe histori ku mund të realizoni ëndrrat tuaja dhe të lini një gjurmë të dukshme në rrugën tuaj. Nëse vizitoni qendrën historike të qytetit do të jetë e pamundur të mos ndaleni poshtë ballkonit të Zhulietës dhe, ndoshta, të lini një letër që të tregojë hapat e historisë suaj të dashurisë duke e shndërruar tragjedinë e Shekspirit në një histori me fund të bukur. Çdo vit, në këtë periudhë, zhvillohet “Verona in love”, që përfshin një sërë aktivitetesh duke filluar nga 14 shkurti 2019.
Budapesti
Kryeqyteti i Hungarisë është një ndër destinacionet më të magjishme në botë. Çdo rrugicë dhe rrugë është kaq romantike veçanërisht në mbrëmje, kur Ura e Zinxhirit ndriçohet nga një dritë e butë dhe e ngrohtë, si zemrat e të dashuruarve e kalimtarëve që bashkohen në unitet në emër të dashurisë.
Venecia
Çfarë mund të jetë më romantike se një xhiro me gondola me njeriun e zemrës mes kanaleve të ndryshme të Venecias për të mbërritur më pas në Piazza San Marco? Venecia duket se nuk heq dorë nga cilësimi “qytet romantik” ku mund të kaloni një fundjavë të bukur me partnerin tuaj.
Pragë
Të humbësh në pasion është e thjeshtë në Pragë, falë bukurisë së papërshkueshme të saj. Në këtë qytet i cili përshkohet nga lumi Vltava do të jetë e pamundur të mos bëni një premtim dashurie mes ndërtesave gjithë stil dhe atmosferës magjike.
Vjenë
Të përshkosh rrugicat e qytetit të Princeshës Sisi në një karrocë, pranë njeriut të zemrës. Ky udhëtim do t’ju mbushë shpirtin dhe ndoshta do t’ju ndezë zemrën për të bërë një deklaratë dashurie. Kisha me arkitektura të mrekullueshme, kopshte, shatërvanë dhe peizazhe që reflektohen në Danub, në një vals vjenez gjithë ngjyra dhe muzikë që do t’ju befasojnë.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën