Lajme
Vërshime në Zvicrën lindore pas shirave të mëdha
Shiu më i madh brenda 24 orësh me 90 litra për metër katror ka rënë në Urnäsch (AR)
Gjatë natës nga e hëna në të martë, shirat e rrëmbyeshëm kanë goditur veçanërisht fuqishëm Zvicrën Lindore. Shiu më i madh brenda 24 orësh me 90 litra për metër katror ka rënë në Urnäsch (AR) shkruan SDA.
Në qytetin e St. Gallenit janë regjistruar 63 litra për metër katrorë. Shirat kanë ndjekur kryesisht linjën e Paraalpeve qendrore dhe lindore, nga Muotathal përmes Toggenburgut deri në Alpstein.
Atje janë matur midis 60 dhe 90 litra shi për metër katrorë, transmeton albinfo.ch. Ndërsa në Eggenried SG sasia e shiut ka arritur në 80 litra për 24 orë.
Në Lucern janë regjistruar 42.5 litra. Në rrethin Würzenbach, ujërat e fryra kanë përmbytur rrugët të hënën në mbrëmje, duke ndërprerë trafikun e autobusëve të qytetit.
Në liqenin e Konstancës (Bodensee) është regjistruar ngritje e nivelit të ujit për 14 centimetra.
Ndërkaq, situatë dramatike mbretëron prej mbrëmë rreth lumit Thur në kantonin Thurgau
Autoritetet e Thurgaut aktualisht po paralajmërojnë qytetarët përmes aplikacionit Alert Suisse për rrezikun, përcjell albinfo.ch. Lumi ka vërshuar dhe të gjithë duhet të largohen menjëherë nga zona e prekur.
Në paralajmërim thuhet: “Valët mund të të befasojnë dhe në çdo moment mund të vërshojnë dhe shembin brigjet”.
Të ngjashme
Të tjera nga Lajme
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe