Vetëvendosje padit ministrin Rexhepi

Dhjetë deputetët e Vetëvendosjes e kanë paditur ministrin Bajram Rexhepi dhe disa policë kosovarë, për pengim në punën zyrtare

Deputetët e Lëvizjes Vetëvendosje kanë paditur të premten ministrin e Punëve të Brendshme, Bajram Rexhepin dhe disa policë kosovarë për moslejimin e ligjvënësve për të hyrë në objektin e qeverisë në kohën po nënshkruhej marrëveshje për privatizimin e Distribucionit të KEK-ut Padia penale është dorëzuan në Prokurorinë komunale të Prishtinës në Prishtinë kundër ministrit Rexhepi, kundër Ilir Qapallekut, truprojë e kryeministrit Hashim Thaçi, truprojave të tjerë të kabinetit qeveritar, policëve të njësisë speciale dhe kundër eprorit të njësisë speciale që ka intervenuar në protestë. Kjo padi lidhet me ngjarje e datës 17 tetor 2012 ku deputetët e Vetëvendosjes, Albin Kurti, Visar Ymeri, Albulena Haxhiu, Albana Gashi, Afrim Hoti, Afrim Kasolli, Liburn Aliu, Rexhep Selimi dhe Glauk Konjufca, janë ndaluar për të hyrë në hapësirat e kompleksit të ndërtesës së Kuvendit të Kosovës. Vetëvendosje konsideron se moslejimi i deputetëve për të hyrë në objektin e qeverisë është në kundërshtim me ligjet në fuqi dhe Kushtetutën e Kosovës. “Në pajtim me Nenin 11, Paragrafi 1, të Ligjit për drejtat dhe përgjegjësit e deputetëve, në këtë dispozitë u garantohet deputetëve të Kuvendit të Kosovës që, Kartela e identitetit e lëshuar për deputet garanton hyrje të lirë në të gjitha organet e shtetërore dhe të administratës publike”, konsideron Vetëvendosje. Sipas kësaj dispozite, në momenti që personi zyrtar i institucionit publik legjitimon deputetin përmes kartelës së identitetit, atij, sipas Vetëvendosjes,  i garantohet hyrja e lirë në të gjitha organet shtetërore, përfshirë dhe objektin e qeverisë.