Vetura ‘fluturon’ drejt një dyqani në Tiranë

Fatmirësisht, nga ky aksident nuk ka pasur të lënduar, vetëm dëme materiale

Pothuajse ka qenë fatale lëvizja që ka bërë një veturë në rrugën e Durrësit, në Tiranë, raporton “TCH”.

Sipas mediave shqiptare, automjeti është munduar të shmangë një këmbësore dhe për këtë arsye ka dalë nga rruga duke përfunduar brenda një dyqani, përcjell albinfo.ch.

Fatmirësisht, nga ky aksident nuk ka pasur të lënduar, vetëm dëme materiale. Më vonë vetura është tërhequr nga dyqani.

Policia ka shkuar menjëherë në vendngjarje dhe po punon për zbardhjen e shkaqeve të aksidentit.