Lajme

Vetura përplaset mbi një turmë në Gjermani, dhjetë të lënduar

Një veturë është përplasur mbi një turmë gjatë një karnavali në qytezën Volkmarsen në Gjermani, ka bërë të ditur policia.

Mediat gjermane kanë raportuar se në mesin e personave të lënduar ka edhe fëmijë, derisa, dëshmitarët kanë thënë se shoferi kishte hyrë me makinë në turmë me qëllim.

Portali gjerman HNA ka cituar dëshmitarë që kanë thënë se shoferi dukej se qëllimisht i kishte marrë në cak fëmijët dhe se e kishte ngasur veturën me një shpejtësi të madhe.

Një numër i madh ekipesh emergjente ndodhen në vendin e ngjarjes në këtë qytezë të vogël, të landit Hesse, në Gjermaninë Perëndimore.

Incidenti ka ndodhur gjatë karnavaleve të “Rosenmontag”, që mbahen në tërë shtetin, përcjell albinfo.ch.