Kosova

“VICE News” raporton për Matt Whitaker dhe përfshirjen e tij në fushatën e PDK-së

Portali amerikan ka përmendur një varg skandalesh, në të cilat është përfshirë Whitaker

E mërkurë, 2 Tetor 2019 - 23:47 albinfo.ch

Përfshirja e Matt Whitakerit në fushatën e Partisë Demokratike të Kosovës ka tërhequr vëmendjen e portalit amerikan të lajmeve, “VICE News”.

“Çfarë dreqin po bën ish-kryeprokurori i Trumpit në zgjedhjet e Kosovës”, e ka titulluar shkrimin e tij ky portal informativ.

“VICE News” ka raportuar se si tubimi i PDK-së në lindje të Kosovës është karakterizuar nga thirrjet “SHBA, SHBA”, dhe “Trump, Trump”.

Portali amerikan ka përmendur një varg skandalesh, në të cilat është përfshirë Whitaker – pa harruar dyshimin për mashtrimin e miliona veteranëve.

Në shkrimin e saj ka raportuar edhe për fotografinë e Veselit me Whitakerin në një pikë të “Burger King”, ose, siç është përshkruar, “në një pjesë të Amerikës në Kosovë”.

“VICE News” ka njoftuar se Departamenti amerikan i Shtetit dhe Ambasada amerikane në Prishtinë nuk u janë përgjigjur pyetjeve për angazhimin e Whitakerit në Kosovë, përcjell albinfo.ch.

Matt Whitaker në Kosovë

Amerika është aleati ynë më i fortë. E ardhmja e Kosovës do të jetë më e mirë dhe më e sigurt me një mbështetje të fortë të Shteteve të Bashkuara të Amerikës. #PDK112 ?? ??

Publiée par Kadri Veseli sur Mardi 1 octobre 2019