Vizitë e kryeminstrit të Luksemburgut në Kosovë

Gjatë ditës së mërkurë, kryeministri i Luksemburgut, Étienne Schneider ka udhëtuar për një vizitë në qendrën e re spitalore të nivelit të dytë të KFOR-it (Kosovo Force) të financuar nga Luksemburgu.

I shoqëruar nga autoritete tjera të vendit, ai është takuar me komandantin e saj, gjeneral majorin Salvatore Cuoci, me ç`rast u vendosën kurorra lulesh në monumentin komemorativ për nder të ushtarëve të vdekur gjatë shërbimit.

Më pas është vizituar edhe qendra spitalore e nivelit të dytë, një strukturë mjekësore e cila dyert e saj i hapi në janar, në kampin Film City të KFOR-it në Prishtinë. Gjatë tre viteve të ardhshme, Luksemburgu do të kontribojë ndjeshëm në financimin e spitalit ushtarak, në kuadër të misionit të KFOR-it. Më konkretisht, në periudhën midisi 2018 e 2020, Luksemburgu do të financojë 4 milionë euro për vit.

Përpos angazhimit të tij në misionin e KFOR-it, Luksemuburgu është duke u angazhuar edhe në aspektin e zhvillimit të Kosovës, përmes Ambasadës së saj në Prishtinë. Aktualisht, Koosva është përfituesi i vetëm i programit për bashkëpunim të Luksemburgut në Ballkan, shkruan “Wort”, përcjell Albinfo.ch. Në periudhën e viteve 1999-2016, në Kosovë janë investuar më tepër se 86 milionë euro. Marrëveshja e fundit e bashkëpunimit (2017-2020) daton nga 24 tetori 2016 dhe parasheh vlerën prej 30 milionë eurosh. Nga ky fond përfitojnë veçanërisht sektorët e shëndetësisë, trajnimit profesional dhe inovacionit.

Luksemburgu e përfunoi kontigjentin e tij në misionin e KFOR-it në tetor të vitit të kaluar, në të cilin kanë shërbyer 52 ushtarë.