AT Balkani

Vjen për pushime në Kosovë, zvicerania grabitet nga i dashuri i saj

Kishte ardhur për pushime në Kosovë, por zvicerania Isa F, u grabit nga shoku i saj kosovarë në Qytetin e Suharekës. Për ngjarjen e cila kishte ndodhur të marten raportuan edhe mediat zvicerane, duke iu referuar raportimit të Suhareka Online, përcjell albinfo.com.

Sipas komandanti të Stacionit Policor në Suharekë, Afrim Sylaj, shtetasja zvicerane ishte në lidhje me një qytetar nga Komuna e Vushtrrisë i cili me një grup të organizuar ka plaçkitur shtetasen duke i marr dy telefona, para të gatshme, dokumentet dhe gjithçka që ajo kishte. Pastaj e njëjta ka mbetur në rrugë.

Por, një shembull të mirë ka treguar polici Blerim Kuqi, i cili e ka strehuar në familjen e vet, duke mos e lënë në rrugë shtetasen zvicerane.

Ndërsa në bashkëpunim me drejtorinë rajonale të Policisë së Kosovës në Mitrovicë, fillimisht është arrestuar i dyshuari i parë më pastaj në orët e vona edhe i dyshuari tjetër i cili kishte tentuar të largohej nga Kosova.

Gjësendet e shtetases zvicerane janë gjetur dhe i janë kthyer, ndërsa e njëjta është pajisur me dokumentacion të ri në ambasadën zvicerane, për të udhëtuar në Zvicër.