VV: Shteti u ka shpallur luftë punëtorëve

Lëvizja Vetëvendosje, përmes një aksioni simbolik në sheshin “Skënderbeu”, ka paraqitur kushtet e vështira, që sipas tyre, e karakterizojnë jetën e punëtorëve në vend. Me një baner, ku figuron paga prej 5 mijë e 213 eurosh e drejtorit të Trustit Pensional, kjo parti ka ngritur shqetësime për klasën punëtore në Ditën Botërore të tyre.

Paga prej 130 eurosh për punëtorët nën moshën 35 vjeç dhe ajo prej 170 eurosh për punëtorët mbi 35 vjeç, kanë figuruar si statistika përkrah pagës së të parit të Trustit. Anëtarja e VV-së, Nazlie Bala, tha se shteti u ka shpallur luftë punëtorëve, duke shtuar po ashtu se të papunët nuk janë shifra, por janë njerëz.