“Xhihadisti më i rrezikshëm” i Zvicrës, kapet në Siri

Foto ilustrim

Daniel D., siç i referohet shtypi zviceran 24-vjeçarit, është i vetmi xhihadist zviceran në listë të Interpolit, me 173 emra, të gjithë anëtarë të “brigadës së martirëve” të Shtetit Islamik, shkruan swissinfo.ch. I trajnuar për të kryer sulme terroriste, Daniel D. është më shumë i njohur me pseudonimin Abu Ilias al-Swissri.

Krahas Thomas C. (me origjinë nga Aargau), i cili mbase nuk është më gjallë, ekspertët kundër terrorizmit e vlerësojnë Daniel D. si “një ndër xhihadistët zviceranë më të rrezikshëm”, përcjell albinfo.ch.

Ai nuk ishte bërë i gjallë për gati një vit, madje edhe kur forcat kurde çliruan Al-Baghuz-in në mars, që ishte një nga fortesat e fundit të IS-it.

Ai ia doli të shmanget edhe për tre muaj të tjerë dhe u plagos gjatë një konflikti që rezultoi me arrestimin e tij, sipas gazetave Le Matin Dimanche, SonntagsZeitung dhe NZZ am Sonntag.

Ai ka një grua, me të cilën u martua në Siri, dhe një djalë 11-muajsh. Që të dy, besohet se po mbahen në kampin Al-Hol, të kontrolluar nga IS.

I lindur në një familje katolike, Daniel D. ishte konvertuar në Islam, pasi nuk arriti ta përfundonte shkollimin. Siç shkruan tutje në artikull, besohet se ai u radikalizua në xhaminë Petit-Saconnex në Gjenevë.