Lajme
Këta janë shqiptarët që fituan në zgjedhjet komunale në Kantonin Vaud
Ervin Shehu, PS, Lorena Shehu, PS, Berat Memaj (PLR), Gëzim Rama PS, Avni Iseni PLR, Sevdije, PLR, Ismaili Sulejman PS, Faruk Krasniqi, GDC, Ermira Rexhaj PS, Liridona Smakiqi dhe Naim Smakiqi, PS, Arjanda Zeka, PS
Në zgjedhjet për asambletë komunale në kantonin Vaud, që u mbajtën më 7 mars 2021, shumë shqiptarë garuan nëpër parti të ndryshme zvicerane. Kemi të bëjmë me një rritje në krahasim me zgjedhjet e kaluara.
Rezultatet e zgjedhjeve për këshillat komunale tregojnë se Partia e Gjelbër ka bërë përparim të fortë, edhe pse në dëm të PS (Partisë Socialiste), shkruan albinfo.ch.
Presidenti i Partisë kantonale të të Gjelbërve, Antonio Mocchi, ishte modest, duke folur për një “baticë të ulët”. Vetëm PLR duket se është mbajtur relativisht më mirë.
Në qytetet më të mëdha të kantonit Vaudit, vala e gjelbër ishte mbresëlënëse: në Yverdon (+12), në Morges (+8 vende), në Renens (+8), në Pully (+7), në Prilly (+11) dhe në La Tour-de-Peilz (+9), ekologjistët kanë dyfishuar numrin e tyre të përfaqësuesve. Në Nyon (+11), ata madje u bënë forca e parë e qytetit. Vetëm në Vevey suksesi i gjelbër ishte pak më modest (+2), shkruan tutje albinfo.ch.
Përfundim: PS humbi kudo, ku të Gjelbërit fitonin: në Morges (-8), Nyon (-2), Renens (-3), Vevey (-7), Pully (-4), Prilly (-5) dhe La Tour- de-Peilz (-7). PLR gjithashtu humbi vendet: Yverdon (-4), Morges (-1), Nyon (-3), Renens (-3), Pully and Prilly (-8), La Tour-de-Peilz (-4) , përveç në Vevey (+1), por mbetet në disa vende partia e parë. Më në fund, UDC, e cila tashmë kishte pak vende në këto qytete, vazhdon të shohë anëtarësimin e saj duke u zvogëluar. Partia humbet midis 3 dhe 4 vende në secilën prej këtyre komunave, përveç në Prilly, ku mirëmbahet.
Në qytetin e Lozanës rezultatet ende priten, mbasi nuk kanë arritur t’i numërojnë të gjitha.
Pjesëmarrja më e madhe e shqiptarëve në votime vërehet në disa komuna të vogla:
Në komunën e Ollonit (Ollon):
Berat Memaj (PLR) Partia Liberale Radikale me 1038 vota
Kurse në komunën e Moudonit (Moudon):
Gëzim Rama i Partisë Socialiste me 404 vota ishte më i votuari nga shqiptarët e kësaj komune, më pas vjen Avni Iseni me 365 vota, nga Partia Radikale Liberale,
Sevdije Avdyli me 344 vota nga PLR dhe
Ismaili Sulejman me 333 vota nga Partia Socialiste.
Në komunën e Vallorbit (Vallorbe):
Faruk Krasniqi nga GDC i mori gjithsej 515 vota.
Në komunën e Nyonit:
Është Ermira Rexhaj nga Partia Socialiste (PS) që triumfoi me 1213 vota.
Komuna e Renos (Renens):
Kemi çiftin, Liridona Smakiqi nga Partia Socialiste me 911 vota dhe Naim Smakiqi me 865vota.
Komuna Ekublë (Eculblens):
Është Arjanda Zeka, e cila u zgjodh si këshilltare e komunën së saj, nga Partia Socialiste, me 707 vota.
Yverdon: Ervin Shehu, PS, Lorena Shehu, PS
Komuna Rolle: Dy kandidatet shqiptare Arbenita Shabani Zejna dhe Anita Islami kanë fituar në zgjedhjet e 7 marsit 2021 në Zvicër.
Autore: Zamira Bytyçi, Vaud.
Të ngjashme
Mentor Ilazi, në garë për Asamblenë e komunës Ollon, Vaud
- Musa Kamenica: “Komuniteti shqiptar në Lozanë është aktor dhe jo spektator”
- Debat: Kush janë kandidatët shqiptarë në zgjedhjet komunale në Vaud?
- Më 7 mars votohet në Vaud: Rast për shqiptarët të zgjedhin të preferuarit e tyre
- Sërish në garë në Ecublens: Naser Iseni dhe Arianda Zeka
- Tefik Rashiti, kandidat për Këshillin Komunal në Nion të Zvicrës
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?