Kuriozitete
Zotëruesi i Daily Mail-it padit Google-in për rezultatet e kërkimit
Associated Newspapers, kompania që zotëron të njohurën Daily Mail dhe faqen e internetit MailOnline, ka paditur Google-in lidhur me akuzat se motori i kërkimit manipulon rezultatet e kërkimit.
Agjencia e lajmeve,BBC zbulon se kompania e akuzon Google-in për kontrollin e shumtë që ushtron mbi reklamat në internet dhe për rënien e link-eve me historitë e saj duke favorizuar pikat e tjera të shitjes.
Në bazë të pretendimit të Associated Newspapers, Google-i “ndëshkon” botuesit në renditjen e tij. Kjo nëse botuesit nuk shesin hapësirë të mjaftueshme për reklama në tregun e tij.
Mirëpo, Google-i i ka cilësuar “të pamerituara” pretendimet e kompanisë mediatike.
Shkas ka qenë vlerësimi mbi mbulimin e saj të Familjes Mbretërore në vitin 2021, çka pretendohet se është minimizuar në rezultatet e kërkimit.
Më konkretisht, përdoruesit britanikë që kërkonin për komentin e gazetarit Piers Morgan mbi intervistën e dukeshës së Sussex-it me Oprah Winfrey, kishin të ngjarë të ndeshnin në artikuj të ij të prodhuar nga media më të vogla.
Dhe kjo ndodhi pavarësisht faktit që Daily Mail kishte shkruar histori të shumta lidhur me komentet e tij gjatë asaj kohe dhe gjithashtu duke e punësuar atë si një analist të gazetës.
Peter Wright, redaktori i Daily Mail-it, ka thënë për BBC se veprimet e pretenduara të motorit të kërkimit të Google-it ishin “antikonkurruese”.
Madje ai ka zbuluar se pas përdorimit të taktikave të reklamimit në internet kanë ndikuar në rënien e shikueshmërisë së Daily Mail-it pasi kanë lejuar devijimin e trafikut të reklamave nga Google-i në shërbime të tjera reklamash, të cilat kanë paguar më shumë.
Nga ana tjetër, një zëdhënëse e Google-it ka deklaruar se pretendimet janë plotësisht të pasakta.
“Përdorimi i mjeteve tona të teknologjisë së reklamave nuk ka lidhje me mënyrën se si kërkohet në Google faqja e internetit e një botuesi mediatik”, ka vazhduar zëdhënësja.
Ajo ka shtuar se “garojmë në një hapësirë të mbushur me konkurrentë të teknologjisë së reklamave, ku botuesit kanë dhe ushtrojnë mundësi të shumta…vetë Daily Mail autorizon dhjetëra kompani të teknologjisë së reklamave për të shitur dhe menaxhuar hapësirën e tyre të reklamave”.
Zëdhënësja përfshiu këtu dy prej atyre kompanive, Amazon-in dhe Verizon-in, duke theksuar se kompania e saj do të mbrohet ndaj pretendimeve të ngritura.
E-Diaspora
-
Adoleshenti kosovar, i dyshuar për ISIS, e quan veten “Bombarduesi” 15-vjeçari zviceran me prejardhje kurde dhe 16-vjeçari, shtetas italian me rrënjë kosovare, të arrestuar në Schaffhausen,...
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
-
Nga 1 maji, filmi kosovar-zviceran “The Land within”, në kinematë e Zvicrës
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor