Lajme
Zvicër: 57% të shfrytëzuesve të ndihmave sociale janë shtetas të huaj
Nga kategoria e të huajve me status të rregullt qëndrimi (viza B ose C), vendin e parë për shfrytëzim të ndihmave sociale e zënë shtetasit e Serbisë, të Malit të Zi dhe të Kosovës
Në vitin 217, në Zvicër kanë qenë rreth 345 mijë persona të cilët së paku njëherë kanë marrë ndihma sociale. Rreth 196 mijë nga këta ose 57% nga numri i gjithëmbarshëm, janë të huaj. Këtë vlerësim e ka dhënë Këshilli Federal duke iu përgjigjur një interpelacioni të deputetit nacional nga SVP, Erich Hess, shkruan sda.ch.
Duhet theksuar se në këto shifra, përveç ndihmave sociale ekonomike përfshihen edhe ndihmat sociale nga sfera e azilit dhe e refugjatëve, gjë që e bën më të kuptueshme epërsinë e të huajve në këtë kategori, shkruan albinfo.ch.
Në këtë kontekst, më së shumti ndihma sociale marrin të huajt që kanë prani më të madhe në listat e azilkërkeusve ose refugjatëve. Pra, në vend të parë janë eritreanët e pas tyre vijnë sirianët, transmeton albinfo.ch.
Por, nga kategoria e të huajve me status të rregullt qëndrimi (viza B ose C), vendin e parë për shfrytëzim të ndihmave sociale e zënë shtetasit e Serbisë, të Malit të Zi dhe të Kosovës. Kjo radhitje është dhënë nga Këshilli Federal por pa treguar shifrat sipas tri vendev përkatëse, shkruan albinfo.ch. Pas tyre vijnë të huajt nga Afganistani, Turqia, Italia, Portugalia, Sri Lanka dhe Somalia.
Rreth 71.000 persona ose 36% të shfrytëzuasve të ndihmave sociale me shtetësi të huaj kanë leje qëndrimi të përhershëm (vizë C), thuhet në përgjigje.
Në përpjekjet për të vështirësuar qasjen e të huajve nga shtetet jashtë BE-së dhe EFTA-s në ndihmat sociale, qeveria e vendit në një raport të publikuar në qershor të këtij viti, ka shqyrtuar disa opsione. Mes tjerash në këtë drejtim ajo ka paraparë masa restriktive në rastet e bashkimit familjar.
Po ashtu, pak kohë më parë Këshilli Federal dhe Parlamenti kanë ndërmarrë masa për të lehtësuar qasjen e të huajve me status të përkohshëm (Viza F) në tregun zviceran të punës, transmeton albinfo.ch. Kjo do të lehtësonte në masë të kosniderueshme fondet e ndihmave sociale.
Të ngjashme
Të tjera nga Lajme
E-Diaspora
-
Mërgimtari nga Suhareka vdes në një aksident tragjik në këtë shtet Raportohet se Haris Shala është 25-vjeçari shqiptar që humbi jetën një ditë më parë në një...
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët