Lajme
Zvicër: 95 viktima në trafikun rrugor në 6 muajt e parë të vitit
Numri i ngasësve të lënduar rëndë të biçikletave elektrike është rritur, nga 148 sa ishte në gjysmëvjetorin e parë të vitit të kaluar, në 207 gjashtë muajt e parë të këtij viti
Në gjysmën e parë të vitit 2020 në trafiklun rrugor të Zvicrës kanë vdekur 95 persona. Ky numër është për 19 më i madh se ai i regjistruar në fund të qershorit të vitit 2019, shkruan sda.ch.
Ndërsa në periudhën e njëjtë të vitit 2018, ishin 102 të vdekur, transmeton albinfo.ch.
Trendi afatgjatë i rënies së numrit të personave të lënduar rëndë ka vazhduar edhe në këtë gjashtëmujor: 1614 persona kanë pësuar lëndime të rënda deri në fund të qershorit të vitit aktual.
Në periudhën e krahasueshme të vitit 2019 ka pasur 1687 ndërsa në atë të vitit 2018, 1778 persona të kësaj kategorie.
Numri i viktimave dhe i lëndimeve serioze ka rënë më shumë në autostrada dhe rrugë tjera sesa në pjesën tjetër të rrjetit rrugor.
Ndërkaq, ajo që është karakteristike për vitet e fundit, është shtimi i aksidenteve të rënda të ngasësve të biçikletave elektrike.
Numri i aksidenteve të rënda të kësaj kategorie është rritur sërish në gjysmën e parë të vitit 2020, përcjell albinfo.ch. Kështu, ka vazhduar trendi i viteve të fundit. Shkaku më i zakonshëm i aksidenteve ishte tejkalimi i shpejtësisë
Numri i ngasësve të lënduar rëndë të biçikletave elektrike është rritur, nga 148 sa ishte në të njëjtën periudhë të vitit të kaluar, në 207 gjashtë muajt e parë të këtij viti, përcjell albinfo.ch.
Këtë njoftim e ka bërë të enjten Zyra Federale e Rrugëve (Astra) në statistikat e aksidenteve të trafikut.
Në periudhën e njëjtë, gjashtë persona kanë vdekur në aksidente me biçikletë elektrike, ose një më pak se në gjysmën e parë të vitit 2019.
Të ngjashme
Të tjera nga Lajme
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe