Lajme

Zvicër: BAG rekomandon vaksinimin e 12 -16 vjeçarëve

Ekif dhe BAG rekomandojnë vaksinimin nga mosha dymbëdhjetë vjeç, për t`u mbrojtur nga sëmundja, por edhe për të shmangur infeksionet

Zyra Federale e Shëndetit Publik (BAG) dhe Komisioni Federal për Çështjet e Vaksinimit (Ekif) rekomandojnë vaksinimin kundër koronavirusit për të gjithë adoleshentët midis moshës 12 dhe 15 vjeçare, raporton srf.ch.

Rekomandimet e vaksinimit janë ndryshuar në përputhje me rrethanat. Christoph Berger, kryetar i Komisionit Federal për Çështjet e Vaksinimit (Ekif), thotë se Swissmedic tashmë kishte aprovuar vaksinën Pfizer / Biontech për të rinjtë 12 deri në 15 vjeç, që në fillim të qershorit.

Berger thotë se adoleshentët duhet të peshojnë rreziqet së bashku me prindërit e tyre dhe më pas të vaksinohen nëse duan, transmeton albinfo.ch.

“Ekif dhe BAG rekomandojnë vaksinimin nga mosha dymbëdhjetë vjeç. Kjo bëhet për t`u mbrojtur nga sëmundja, por edhe për të shmangur infeksionet e mëtejshme dhe në këtë nënyrë, për të parandaluar pasojat e masave të mëtejshme mbrojtëse”.

Por nuk është vendosur ndonjë objektiv për vaksinimin e këtij grupi. Adoleshentët e moshës 12 deri në 16 vjeç nuk kanë nevojë të tregojnë certifikatë Covid për pjesëmarrje në aktivitete.


LAJME INTERESANTE NGA INTERNETI