Zvicër: Bizneset të shqetësuara për mungesat e stafit shkaku i Covid-19

Federata Zvicerane e Biznesit ka bërë thirrje për një lehtësim të rregullave të karantinës për të parandaluar mungesën e stafit në kompani për shkak të rritjes së infeksioneve Covid, përcjell albinfo.ch

Roger Wehrli, nga economiesuisse i tha radios publike SRF të mërkurën se periudhat e karantinës dhe izolimit për njerëzit e infektuar ose kontaktet e ngushta duhet të shkurtohen në pesë ditë.

Ai tha se shumë kompani po përpiqeshin të planifikonin përpara për shkak të punonjësve që thërrisnin të sëmurë, gjë që mund të ndalonte prodhimin. Një periudhë më e shkurtër karantine “mund të ndihmojë për të mbajtur ekuilibrin e duhur midis jetës ekonomike dhe sociale dhe barrës në njësitë e kujdesit intensiv”, tha Wehrli për gazetën Blick.

Qeveria, kohët e fundit shkurtoi karantinën për pacientët asimptomatikë me Covid nga dhjetë në shtatë ditë. Aktualisht izolimi është caktuar për dhjetë ditë, përcjell albinfo.ch