Lajme
Zvicër: Mbi 13 mijë të infektuar dhe 242 të vdekur nga koronavirusi
BAG raporton për 235 viktima ndërsa mediat duke u mbështetur në të dhënat e kantoneve japin shifrën prej 242 viktimave të koronavirusit
Në Zvicër, deri më sot, e shtunë, 28 mars, janë regjistruar 13.221 raste të infektimit me Covid-19, që është 1052 më shumë se një ditë më parë. Këtë njoftim e ka dhënë Zyra Federale e Shëndetit Publik sot pasdite.
Deri më tani, 235 njerëz kanë vdekur në lidhje me Covid-19, thuhet në komunikatën e BAG. Baza për konstatimin e këtij numri është në shifrat që BAG ka marrë nga mjekët dhe laboratorët deri në mëngjesin e të shtunës, transmeton albinfo.ch mediat zvicerane. Prandaj, sipas BAG, të dhënat mund të ndryshojnë nga numri i rasteve të komunikuara në kantone.
Duhet thënë se ndryshimi në raportimin e shifrave të të vdekurve dhe të të infektuarve ka qenë në vazhdimësi një problem gjatë këtyre ditëve, shkruan albinfo.ch. Kështu, përderisa BAG raporton për 235 të vdekur, mediat duke u mbështetur në të dhënat e kantoneve japin shifrën prej 242 viktimave të koronavirusit.
Po kështu shifrën 242 e jep edhe worldmetters.info, një platformë që ndjek zhvillimet rreth koronavirusit në gjithë botën. Sidoqoftë, sot dallimi ështëm më i vogël se që ishte në ditët dhe javët e kaluara.
Nga të ndjerët, 141 ishin burra dhe 94 ishin gra. Viktima më e re ishte 32 vjeç, ndërsa më e moshuara, 100 vjeç.
Mesatarja (median) e moshës së atyre që kanë vdekur është 83 vjet. Kjo do të thotë që gjysma janë nën moshën 83 vjeçare dhe gjysma janë mbi moshën 83 vjeçare.
Incidenca më e lartë, përkatësisht rreth 485 të infektuar për 100,000 banorë, vazhdon të jetë në Kantonin e Ticinos.Deri më tani, rreth 106,000 njerëz në Zvicër janë testuar për virusin e ri; rreth çdo i teti i testuar, ka rezultuar pozitiv.
Të ngjashme
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Cyrihu po teston airbag-ët për tramvaj Projekti i filluar në dhjetor 2021 pritet të përfundojë në verën e vitit 2024...
-
Rritet vjedhja e biçikletave elektrike në Zvicër
-
Gjeneva, më e pasur
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën