Lajme

Zvicra autorizon përdorimin e antiviralit ‘Remdesivir’ pa prova terapeutike

Pas SHBA-së dhe Japonisë, edhe Zvicrra do të filloj të trajtoj pacientët e infektuar me Covid-19 me antiviralin Remdesivir, por pa prova terapeutike.

Antivirali Remdesivir, ilaçi i parë është treguar relativisht efikas në trajtimin e COVID-19, do të autorizohet në Zvicër për të trajtuar pacientët që vuajnë nga kjo sëmundje, por pa prova terapeutike, njoftoi sot instituti zviceran raporton Swissmedic, përcjell albinfo.ch.

Instituti zviceran për Produktet Terapeutike, ka vendosur të autorizojë përkohësisht vendosjen në treg të Remdesivirit, njoftoi instituti në një deklaratë.

“Instituti e mori këtë vendim pas analizës së raportit përfitim/rrezik dhe përgatitjet e shpërndara nën emrin tregtar “Veklury” mund të përdoren pa autorizim në spitalet zvicerane për trajtimin e pacientëve të prekur nga COVID-19, në pritje të vendimit përfundimtar nëse Remdesivir do të tregtohet apo jo”, thuhet më tutje në deklaratë.

Përdorimi urgjent i këtij ilaçe në spitale është autorizuar nga SHBA dhe Japonia. Ndërsa Evropa pritet që ta lejojë atë së shpejti .