Lajme
Zvicra do të ketë sërish përballë Serbinë në Botëror
Si erdhi deri te vendimi i heqjes së të drejtës, për të festuar me “Shqiponjën”
Duket se festimi me shqiponjë i Granit Xhakës dhe Xherdan Shaqirit më 2018 kur Zvicra u përballë me Serbinë, shkaktoi jo pak reagim në media, teksa nga serbët u quajt provokim ndaj tyre, përcjell albinfo.ch.
Edhe në “Katar 2022” helvetët do të përballen me kombëtaren serbe, teksa përsëri simboli i shqiponjës është ka marrë vëmendje.
Drejtori i përfaqësueses së Zvicrës, Pierluigi Tami ka kërkuar nga futbollistët shqiptarë të helvetikëve që të mos festojnë me shqiponjë në Botëror.
“Botërori nuk përbëhet vetëm nga ndeshja me Serbinë, edhe nëse e dimë se sa e veçantë është kjo ndeshje, duke pasur parasysh atë që ndodhi në vitin 2018. Ne nuk duam të bëjmë të njëjtat gabime, ne jemi këtu për të luajtur futboll dhe asgjë tjetër.
Ne nuk duam të dërgojmë asnjë mesazh politik apo fetar. Ne duam të përfaqësojmë vlerat tona. Njëra prej tyre është respekti. Ne tregojmë respekt për opinionet e tjera. Për mua do të ishte gabim nëse do të provokonim dikë me një gjest, pavarësisht lojës,” përfundon drejtori i përfaqësueses së Zvicrës, Tami.
Siç duket zyrtarët e Zvicrës po “pengojnë” shqiponjën të fluturojë e lirë në një kampionat kaq të rëndësishëm, por vallë sa do të munden të respektojnë këtë kërkesë Xhaka e Shaqiri.
Zvicra dhe Serbia do të takohen në ndeshjen e tretë të Grupit B më 2 dhjetor të këtij viti në Katar.
Krahas Serbisë dhe Brazilit, shqiptarët që luajnë për Zvicrën do ta kenë në grup edhe Kamerunin.
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse