Zvicra, mikpritëse për ukrainasit, strehoi mbi 47 mijë refugjatë

43,000 prej tyre kanë marrë tashmë të ashtuquajturin statusin “S”

Shteti i Zvicrës është treguar shumë mikpritës ndaj refugjatëve ukrainas. Të shumta janë apartamentet që liroi, e po ashtu shumë familje private lëshuan shtëpitë e tyre falas për ta, njofton albinfo.ch.

Referuar statisitikave, që nga fillimi i luftës e deri më tani janë strehuar mbi 47 mijë refugjatë ukrainas.

Nga numri total i tyre, 43,000 prej tyre kanë marrë tashmë të ashtuquajturin statusin “S” për njerëzit që kanë nevojë për mbrojtje.

Në përgjithësi, Komisioneri i Lartë i Kombeve të Bashkuara për Refugjatët vlerëson se më shumë se 8 milionë njerëz do të largohen nga Ukraina deri në fund të vitit për shkak të luftës.

Ndërkohë që deri tani, mbi 5.8 milionë ukrainas janë larguar nga vendi i tyre, ndërsa ka 7.7 milionë persona të zhvendosur brenda vendit. /Albinfo.ch

---