Ekonomi
Zvicra parashikon rritjen më të madhe ekonomike nga 2010
Të orientuar nga eksporti ekonomia zvicerane mund të arrijë rritjen më të madhe vjetore që nga viti 2010, pavarësisht rreziqeve globale të përshkallëzuara nga lufta tregtare, e cila përbën një kërcënim për vitin 2019, citon “Reuters”, përcjell albinfo.ch.
Sekretariati i Shtetit për Çështjet Ekonomike të Zvicrës (SECO) ka thënë se pret rritje ekonomike prej 2.9% në vitin 2018, duke tejkaluar parashikimin e rritjes qershorit prej 2.4%.
“Efektet e futjes së dyanshme të tarifave midis SHBA dhe Kinës, mund të shumohen dhe në Evropë, dhe qeveria italiane mund të krijojë turbullira tjera”, tha Ronald Indergand, një ekonomist në Sekretariatin e Shtetit.
Një tjetër çështje e mundshme është lirimi i Britanisë nga Bashkimi Evropian në mars të vitit të ardhshëm.
Të gjithë këta faktorë mund të ngadalësojë rritjen e BE-së, tregu më i madh i Zvicrës, ose të shkaktojë rritjen e frangut zviceran, i cili është parë shpesh nga investitorët si një valutë “azil”. Frangu më i shtrenjtë i shtrenjton produktet e vendit dhe rrjedhimisht zvogëlon rentabilitetin e kompanive.
Sekretariati i Shtetit për Çështjet Ekonomike (SECO) parashikon inflacionin prej 1% këtë vit në vend të 0.8%, duke i dhënë dritën e gjelbër Bankës Qendrore për të mbajtur politika monetare pa ndryshim gjatë takimit të enjten.
Ecuria e sektorit të prodhimit dhe eksporteve të forta ndihmon në rritjen ekonomike në tremujorin e dytë të vitit e cila do të arrijë 3.4% në baza vjetore, normën më të shpejtë në tetë vjet.
Qeveria pret që eksportet të vazhdojnë të ofrojnë një shtysë të rëndësishme për rritjen ekonomike.
Të ngjashme
Të tjera nga Ekonomi
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit