Kosova
Zvicra trajnon dhjetëra zyrtarë kosovarë për luftimin e korrupsionit
Më shumë se 40 persona në Kosovë kanë përfunduar kursin “Ekzaminimi i mashtrimeve dhe kontabiliteti ligjor”, trajnim njëvjeçar në kuadër të përpjekjeve për luftimin e korrupsionit, shkruan albinfo.ch.
Zyrtarë të policisë, prokurorë, zyrtarë të doganave, të Agjencisë Kundër Korrupsion, agjentë të inteligjencës financiare dhe gazetarë hulumtues u licencuan nga ky kurs, që u mbajt në kuadër të Agjencisë Zvicerane për Zhvillim dhe Bashkëpunim (SDC).
“E organizuar për herë të parë në Kosovë, kjo nismë mëton të fuqizojë kapacitetin e zyrtarëve përkatës në analizimin e pasqyrave financiare, zbulimin e mashtrimeve, zhvillimin e teknikave të hulumtimit të financave dhe gjetjen e aseteve të fshehura. Ky kurs ka targetuar hetuesit e lartë që punojnë në ekipe hetimore për rastet e korrupsionit, që t’i përdorin njohuritë e fituara për zhvillimin e hetimeve të suksesshme financiare dhe rimëkëmbjen e pasurive të vjedhura”, thuhet në njoftimin e Ambasadës Zvicerane në Kosovë, përcjell albinfo.ch.
Gjatë ceremonisë së licencimit, drejtori i SDC-së në Kosovë, Patrick Etienne, tha se kjo iniciativë është e rëndësishme për të forcuar kapacitetet e institucioneve përkatëse për të hetuar korrupsionin dhe rastet e krimit financiar.
Ky kurs po ashtu u realizua me mbështetje të SAEK (Përpjekjet Kundër Korrupsion në Kosovë), në bashkëpunim me Shoqatën e Kontabilistëve dhe Auditorëve të Kosovës dhe është akredituar nga Agjencia Kosovare e Akreditimit.
Nga Ambasada zvicerane kanë njoftuar që kursi do të mbahet përsëri gjatë këtij viti për zyrtarë të tjerë./albinfo.ch/
Të ngjashme
Të tjera nga Kosova
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit