Kosova
Pozita nuk ka vota për projekligjet, LDK kërkon zgjedhje të reja
Gjatë ditës së sotme Kuvendi i Kosovës u bllokua pasi nuk kishte vota për projekligjet dhe opozita lëshoi sallën.
Për shkak të mospjesëmarrjes në votim të një pjese të opozitës, Kuvendi i Kosovës e ka ndërprerë seancën e sotme, ku pritej të diskutohej edhe për dialogun me Serbinë.
Pasi tentoi disa herë të votohej amendamenti i katërt i propozuar nga Lista serbe për projektligjin për ndërtime pa leje, pozita nuk arriti ta kalonte, edhe pse në sallë ishin 75 deputetë.
Kryetari i Kuvendit, Kadri Veseli, tha se edhe pse ka deputetë në sallë, ka një qëndrim të padeklaruar se një pjesë e opozitës nuk do të votojë. Veseli ndërpreu seancën dhe tha se Kryesia e Kuvendit do të mblidhet për të caktuar seancën e ardhshme.
Në fillim të seancës së sotme deputetët u pajtuan me propozimin e PSD-së që të diskutohet për dialogun me Serbinë, pas përfundimit të 15 pikave të mbetura nga seancat e kaluara.
Ndërsa Lidhja Demokratike e Kosovës insiston se vendi sa më parë duhet të shkojë në zgjedhje, sepse koalicioni qeverisës e ka humbur shumicën dhe, sipas tyre, kjo është vërtetuar edhe në seancën e sotme të Kuvendit.
“Vendi nuk mund të qeveriset nga koalicioni i pakicës, i cili nuk ka legjitimitet. Grupi Parlamentar i LDK-së nuk do ta përkrahë vazhdimin e kësaj forme të qeverisjes, ku një pakicë ka uzurpuar institucionet shtetërore. Vendi duhet të shkojë në zgjedhje të reja që të mos dëmtohet demokracia”, thuhet në njoftimin e LDK-së.
E-Diaspora
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern Pas pushimit të pranverës, Shkolla Shqipe Ostermundigen Bern ka rinisur mësimin plotësues të gjuhës shqipe, transmeton...
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën