Bota

​Greqia shtrëngon kriteret për azil

Qeveria greke është zotuar të forcojë procedurën e azilit për migrantët dhe të përshpejtojë dëbimin.

Kjo po ndodh në një kohë kur gjithnjë e më shumë migrantë po vijnë në vend përmes detit, raporton AP. Projektligji është paraqitur në Parlament dhe përmban disa nga risitë dhe kritere më të rrepta për qasje në aplikimet për azil dhe ndalim të zgjatur, transmeton albinfo.ch.

Ardhjet e papritura të migrantëve dhe refugjatëve gjatë verës raportohet se kanë tensionuar ishujt grekë pranë bregdetit turk, ku ndodhen më shumë se 25,000 azilkërkues dhe migrantë, kryesisht në kampe të mbipopulluara.