Maqedonia
10 raste me variantin Delta në Maqedoni
Një pacient ndodhet në gjendje të rëndë
10 persona janë konfirmuar se janë të infektuar me variantin indian Delta të koronavirusit. Vetëm dje janë regjistruar katër raste. Njëri pacient është në gjendje më të rëndë shëndetësore, ndërkaq të tjerët janë në gjendje stabile, informoi ministri i Shëndetësisë së RMV-së, Venko Filipçe. Asnjëri prej pacientëve të infektuar me këtë virus nuk është i vaksinuar.
“Kjo situatë na tregon se sa është i rëndësishëm vaksinimi i qytetarëve. Pasi që vaksina mbron nga infektime të rënda dhe nga vdekja, do të thotë cilado vaksinë që e kemi në dispozicion. E shohim se çfarë po ndodh në Britani, ku edhe pse ka një valë të re me variantin Delta, ka lehtësime të masave, kjo pasi që nuk e dimë në të ardhmen se sa e sa lloje të varianteve të virusit do të kemi”, deklaroi Filipçe.
Nga Akademia e Shkencave dhe Arteve të Maqedonisë, në laboratorin e së cilës janë duke u testuar rastet me variantin Delta, thonë se një analizë për këtë variant merr nga 24 deri në 48 orë.
“Rastet e reja dhe anketa epidemologjike ka treguar se rastet me variantin Delta vijnë nga vende të cilët janë më të rrezikuara. Sipas analizave që i kemi, situata do të përmirësohet, por pandemia nuk ka përfunduar. Për këtë gjë duhet të jemi të kujdesshëm, veçanërisht ato të cilët janë në rrezik”, tha Aleksandër Dimovski, drejtor i laboratorit të ASHAM-it.
Ministri i Shëndetësisë, Venko Filipçe, ka hedhur poshtë mundësinë e mbylljes së shtetit për shkak të paraqitjes së rasteve me variantin Delta apo të ashtuquajturin variantin indian të koronavirusit. Deri në fund të javës, në Komisionin për sëmundje infektive do të shqyrtohet se a do të ketë masa të reja, gjegjësisht se a do të vendoset hyrja me test negativ në vend nga vendet e rrezikuara.
E-Diaspora
-
ASK: Mbi 1.4 milionë qytetarë të regjistruar, mbi 400 mijë nga diaspora Procesi i regjistrimit të popullsisë në Kosovë pritet të përmbyllet më 17 maj. Sipas të dhënave...
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
Jeta në Zvicër
-
Cili qytet në Zvicër ka më shumë gjasa të presë Eurovision 2025? Pas fitores së Zvicrës në konkursin e këngës në Eurovision 2024, disa qytete zvicerane tashmë po...
-
Shefi i Lufthansa-s: SWISS është “flamurtari” i grupit të linjës ajrore
-
Lajmet që “përmbledhin” të hënën në Zvicër
-
Lucern: Gjykohet shqiptari, ka shitur drogë me vlerë prej 3.5 milionë frangash
-
Politikani zviceran dëshiron të përshpejtojë procedurat për dëbimin e të huajve