Lajme
2 fëmijë vdesin pas trajtimit me ilaçin zviceran që kushton 2 milionë franga
Dy fëmijë nga Kazakistani dhe Rusia kanë vdekur pasi janë trajtuar me barin Zolgensma. Një dozë e ilaçit zviceran kushton rreth dy milionë franga
Konsiderohet si ilaçi më i shtrenjtë në botë dhe prodhohet nga gjiganti farmaceutik zviceran Novartis. Ilaçi i terapisë gjenetike Zolgensma kushton rreth dy milionë franga zvicerane, transmeton albinfo.ch. Siç ka raportuar Novartis të enjten, dy fëmijë kanë vdekur tani pas trajtimit me ilaçin në fjalë. Shkak i vdekjes ishte dështimi akut i mëlçisë.
Pas incidenteve, Novartis ka njoftuar autoritetet shëndetësore të vendeve ku është miratuar ilaçi. “Edhe pse ky është informacion i rëndësishëm për sigurinë, nuk është një sinjal i ri sigurie”, shkruan kompania farmaceutike me seli në Bazel. Besohet fuqishëm në profilin e përgjithshëm të favorshëm në raportin rrezik-përfitim, të ilaçit Zolgensma, shkruan 20minuten.ch. “Ne do të përditësojmë etiketimin e ilaçit, për të treguar se është raportuar dështimi akut fatal i mëlçisë”.
Dy fëmijët e vdekur janë nga Rusia dhe Kazakistani, përcjell albinfo.ch. Dështimi akut i mëlçisë ka ndodhur pas “infuzionit për pesë deri në gjashtë javë të barit Zolgensma”, disa ditë pas fillimit të trajtimit me kortikosteroide.
Siç raporton më tej Novartis, këto janë rastet e para fatale të dështimit akut të mëlçisë pas trajtimit me Zolgensma.
Të ngjashme
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën