20 zyrtarëve të Kosovës u refuzohen vizat e SHBA-së, shkaku i taksës

Ministri i Drejtësisë, Abelard Tahiri, ka thënë se më shumë se 20 zyrtarë të lartë institucionalë të Kosovës nuk kanë mundur të pajisjen me viza nga SHBA-ja për shkak të refuzimit të heqjes së taksës. 

Ai në “Interaktiv” të KTV-së ka thënë se ka deputetë e ministra që s’janë pajisur me viza si masë ndëshkuese nga SHBA-ja për shkak se Kosova nuk e ka dëgjuar këshillën për të hequr taksën ndaj mallrave serbe, përcjell albinfo.ch.

Ministri ka theksuar se me rezistencën për të hequr taksën, Kosova po e vë veten në listën e vendeve, ndaj të cilave SHBA-ja ka vënë sanksione.