Lajme

9 të lënduar në ndeshjen vargore në tunelin Eich

Bëhet e ditur se tetë veta kanë pësuar lëndime të lehta ndërsa njëri, ka marrë lëndime të mesme.

Njëmbëdhjetë automjete janë përfshirë në ndeshjen vargore që ka ndodhur në orët e hershme të mëngjesit të sotëm në Tunelin Eich në autostradën A2. 9 persona është dashur të marrin trajtim spitalor, shkruan polizeinews.ch.

Tuneli gjendet në rrugën Luzern-Sursee.

Nga shkaqe ende të panjohura në orën 6.30 të mëngjesit, trafiku në tunel u ndërpre. Një shofer u detyrua të frenonte dhe ky ishte fillimi i ndeshjes masive vargore, transmeton albinfo.ch. 11 makina janë përplasur njëra me tjetrën, shkruan policia e Lucernit në një komunikatë.

9 persona, prej të cilëve dy ishin fëmijë, u transportuan në spitale, përmes shërbimit të shpëtimit, përcjell albinfo.ch. Bëhet e ditur se tetë veta kanë pësuar lëndime të lehta ndërsa njëri, ka marrë lëndime të mesme.

Dëmi material që është shkaktuar me këtë rast ka qenë disa dhjetëra mijë franga.

Për të mundësuar transportimin e të lënduarve dhe të makinave, tuneli Eich në drejtimin verior ka qenë i bllokuar për disa orë.

Nga ora 10 e 45 tuneli është sërish i kalueshëm.