Mësuesi humb durimin, rrah brutalisht nxënësin

Mësuesi Gani Sopjani nga fshati Denjë i Rahovecit, sipas videos, shihet se si ai godet pa mëshirë nxënësin

Një mësues nga shkolla fillore “Rudolf Walther” ka humbur durimin dhe e ka rrahur brutalisht një nxënës, ndërsa gjatë përdorimit të dhunës është gjiruar nga nxënësit tjerë. Është fjala për mësuesin Gani Sopjani nga fshati Denjë i Rahovecit, kurse sipas videos shihet se si ai godet pa mëshirë nxënësin.

Mediet lokale në Prishtinë kanë kontaktuar me drejtorin e shkollës “Rudolf Walther”, Xhafer Berisha i cili ka konfirmuar për rrahjen, por ka thënë se tashmë gjithçka është sqaruar, raporton IOnline.

“Po rasti ka ndodhur për shkak se nxënësi ka folur fjalë të pista, mirëpo nuk ka pasur pasoja. Unë kam biseduar me mësuesin edhe me babain e nxënësit dhe rasti është sqaruar, ka pasur kërkimfalje nga të dyja palët”, ka thënë Berisha.

Përdorimi i forcës është praktikë që aplikohet shpesh nga mësuesit. Kjo ka mbetur si “produkt” i ish periudhës së kaluar, ku nxënësit e padëgjueshëm janë rrahur nga mësimdhënësit.