Fillon Java e Frankofonisë në Kosovë

Java e Frankofonisë, e cila shënohet çdo vit në mars, në më shumë se 70 vende, do të organizohet nga data 18 deri më 26 mars 2016 në Kosovë.
Përfaqësitë diplomatike të Belgjikës, Kanadasë, Francës, Luksemburgut, Republikës Çeke, Zvicrës, si dhe Ministria e Punëve të Jashtme e Kosovës, Filarmonia e Kosovës dhe Aleanca franceze e Prishtinës do të organizojnë edicionin e vitit 2016 të Frankofonisë në Kosovë.
Ngjarje të ndryshme artistike dhe kulturore do t’i mundësojnë publikut të vlerësojë dinamizmin e rrjetit frankofon, pasurinë e gjuhës frënge dhe kulturën frankofone.