Së shpejti, Ligji për harmonizimin e pagave

Hartimin e Ligjit për pagat duket se e ka kërkuar FMN, i cili ka kërkuar nga Qeveria e Kosovës që deri në vitin 2019-të të mos ketë rritje të pagave më shumë se 4 për qind

Foto ilustrim

Brenda këtij viti, Qeveria e Kosovës pritat ta sponsorojë një ligj të veçantë që për pagat, që më pas të miratohet në Kuvendin e Kosovës. Hartimin e këtij ligji duket se e ka kërkuar Fondi Monetarë Ndërkombëtarë, i cili ka kërkuar nga Qeveria që deri në vitin 2019-të të mos ketë rritje të pagave më shumë se 4 për qind në sektorin publik.

Miratimin e këtij ligji deri në fund të viti e konfirmuan për gazetën Fjala edhe zëdhënësi i Qeverisë së Kosovës Faton Abdullahu.

“Ligji në fjalë është në procedurë e sipër dhe dikasteret përkatëse janë duke kryer punën e nevojshme për ta quar procedimin tutje. Ky ligj sipas të gjitha gjasave do të miratohet në këtë vit”, tha Abdullahu, i cili nuk ka dhënë më shumë detaje se çka saktësisht do të përmbaj ligji i pagave.

Qeveria e Kosovës edhe në Kornizën Afatmesme të Shpenzimeve për periudhën 2017-2019 e ka paraparë krijim e këtij ligji.

Në këtë kornizë shkruan se Qeveria është e përkushtuar të kufizojë punësimin në atë shkallë që është e nevojshme për ofrimin e të mirave dhe shërbimeve publike në mënyrë efikase dhe efektive. Për më tepër aty shkruan se, në bashkëpunim me FMN-në Qeveria ka formuluar dispozita të nevojshme ligjore të cilat do të shërbej si mekanizma përkujdesje ndaj ngritjeve të faturës së pagave në sektorin publik.

“Përmes kësaj dispozite ligjore (rregulli mbi paga) është siguruar qe ngritja e faturës se pagave ne sektorin publik të jetë në harmoni me zhvillimin e gjithmbarshme ekonomike në vend”, shkruan në kornizën për shpenzimet afatmesme.

Përmes këtij rregullimi ligjor synohet të sigurohet një stabilitet në kompensimin e shërbyesve në sektorin publik.