Pakistani shqyrton njohjen e Kosovës

Hussain: Mund të them që është një çështje e nivelit më të lartë. Është e qartë se çështja e njohjes do të shqyrtohet

Njohja e Kosovës nga ana e Pakistanit do të shqyrtohet dhe kjo çështje është prioritet i lartë i Qeverisë në Islamabad , ka bërë të ditur për “Radio Dukagjinin”, Israr Hussain, drejtor për Evropë në Ministrinë e Punëve të Jashtme të Pakistanit.

“Mund të them që është një çështje e nivelit më të lartë. Është e qartë se çështja e njohjes do të shqyrtohet. E për këtë vendosin udhëheqësit tanë, dhe sigurisht që atyre ju duhet kohë. Por se kur do të merret ky vendim nuk mund të ju them asgjë.” ka thënë Hussain.

Zëvendëskryeministri i parë i vendit Behgjet Pacolli, ditë më parë ka deklaruar se javën e ardhshme do të vizitojë një varg shtetesh, përfshirë edhe Egjiptin. Ai pohoi se nëse ata që protestuan në Egjipt marrin pushtetin përmes votës së lirë, shteti i faraonëve do ta njohë Kosovën.