Gjellëra
Role viçi
• 700 g mish viçi i prerë në copa të holla
• ½ filxhani majdanoz i prerë imët
• ½ filxhani parmezani të grirë ose ndonjë lloj djathi tjetër të freskët
• 2 lugë hudhra të grira imët
• Kripë, piper
• 6-10 feta proshutë
• Vaj ulliri
Përbërësit e sosit të domateve:
• Një thelb hudhre të kuqe
• Pak hudhër të bardhë
• 12 domate të freskëta
• 4 lugë vaj ulliri
• Kripë
• Bosilok të freskët
Përgatitja:
Nëse copat e mishit janë më të trasha, rrihni mirë ato me çekan kuzhine që të shtypen mirë dhe të mund t’i rrotulloni më lehtë. Le të jenë e shumta 5 mm të trasha. Secilën copë lyejeni me vaj ulliri, pastaj shtoni fetat e proshutës, djathë, hudhrat, kripën dhe piperin e zi. Mos e teproni me kripë, pasi edhe proshuta është mjaft e njelmët.
Rrotullojeni mirë mishin dhe lidheni me penj kuzhine ose mbyllini mirë me ndihmën e rrëmojsave.
Rolet e përgatitura fërgojini pak në tigan, ku më parë keni vënë disa lugë vaj ulliri, mbajini vetëm pak sa të marrin ngjyrë dhe pastaj futini në sosin e domateve, të cilin e keni përgatitur në këtë mënyrë:
Në një tigan të madh vini të ngrohet ca vaj ulliri, shtoni hudhrat e kuqe dhe të bardha dhe fërgojini 2-3 minuta, pastaj shtojini edhe domatet, të cilat paraprakisht i keni qëruar dhe grirë, shtoni edhe kripë dhe lëreni të ziejë 15 minuta. Kullojeni sosin në kulluese dhe me ndihmën e lugës përpiquni t’i shtypni domatet që të kullohen mirë. Pjesën e mbetur kthejeni në enë dhe ziejeni edhe 5 minuta. Në fund shtojani edhe bosilokun.
Pasi t’i keni vendosur rolet e mishit të viçit në sosin e domateve, lërini të ziejnë në zjarr të dobët 1 orë e gjysmë, pas kësaj rrotullojini copat e mishit, lëreni të hapur enën dhe lejoni që edhe një orë të ziejë derisa sosi të trashet mirë.
Shërbejini me pasta sipas dëshirës.
Ju bëftë mirë!
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Rritje 293 për qind e studentëve të huaj në Universitetin e Cyrihut ETH-të në Cyrih dhe Lozanë duhet të kursejnë para. Këshilli Federal vendosi së fundmi uljen e...
-
Nëntë kilometra bllokim trafiku përpara tunelit Gotthard
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve