Lajme
Krim makabër në Shqipëri, burri hedh gruan nga kati i katërt
Një burrë 52 vjeçar për shkak të xhelozisë dhe mosmarrëveshjeve, ka hedhur nga kati i katërt i banesës, gruan e tij 43 vjeçare duke e mbytur në vend
Një krim i rëndë ka ndodhur në qytetin e Fierit në Shqipëri, që ka tmerruar të gjithë komunitetin. Një burrë 52 vjeçar për shkak të xhelozisë dhe mosmarrëveshjeve, ka hedhur nga kati i katërt i banesës, gruan e tij 43 vjeçare duke e mbytur në vend. Viktima ka lënë pas dy fëmijë.
Viktima quhej Liljana Ruko, e cila kishte denoncuar një muaj më parë burrin se e kishte rrahur brutalisht. Por, policia pas verifikimit të denoncimit, dhe akordimit të urdhrit të mbrojtjes i la të jetonin në një banesë, por edhe pas kësaj dhuna vijoi deri sa çoi në vdekjen e nënës së dy fëmijëve.
Burime në Policinë e Fierit thanë se çifti u la të jetonin në banesë, me arrestimin se konflikti ishte sporadik.
Ndërkohë dëshmitarë të krimit të rëndë në familjen Ruko në lagjen “Kryengritja e Fierit”, rrëfejnë ngjarjen makabre që trondit mbarë opinion publik. Ata thonë se gjithçka ndodhi shumë shpejt dhe nuk u la mundësi për ndërhyrje.
“Dëgjova ulërimat. Ishte e tmerrshme. Kur dola jashtë e pashë se e kishte nxjerrë nga dritarja dhe e mbante varur nga këmba me kokë poshtë dhe e lëshoi si thes plehrash. Ndodhi shumë shpejt dhe ishte shumë e papritur”, rrëfen një dëshmitare që e pa aktin e vdekjes së 43 vjeçares.
Prindërit e 43 vjecares Liljana Ruko, nënë e dy fëmijëve, morën trupin e pajetë të saj për të kryer ritet e fundit.
Grupi hetimor në Policinë e Fierit pohojnë se Ferdinant Ruko ka pranuar vrasjen e bashkëshortes duke thënë se fillimisht e ka goditur e rrahur me grushte për shkaqe xhelozie, më pas e ka zhveshur dhe e hodhi nga dritarja e banjës. Ndërkohë, 2 fëmijët e mitur të viktimës të moshës 10 dhe 6 vjeç, po trajtohen me psikolog për shkak të tronditjes së pësuar.
Familja Ruko kishte jetuar për disa muaj në gjemani dhe pas refuzimit të azilit u rikthye në shtëpi vetëm pak kohë më parë.
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale