Lajme
Serbia dorëzoi kërkesën për ekstradimin e Haradinajt
Me kërkesën për ekstradim, organeve franceze të drejtësisë i është dorëzuar edhe dokumentacioni përcjellës i përkthyer në gjuhën frënge. Serbia kërkon ekstradimin e tij në Beograd
Dy ditë para se ish kryeministri i Kosovës, Ramush Haradinaj të dal për herë të dytë në Gjykatën e Colmerit, Ministria e Drejtësisë në Serbi ia ka dorëzuar të martën organeve të drejtësisë franceze kërkesën për ekstradim të liderit të AAK-së dhe ish komandantit të UËK-së, Haradinaj në Serbi. Kështu kanë shkruar mediet në Serbi.
Me kërkesën për ekstradim organeve franceze të drejtësisë i është dorëzuar edhe dokumentacioni përcjellës i përkthyer në gjuhën frënge në bazë të të cilit “drejtësia franceze do të vendos nëse janë përmbushur të gjitha kërkesat për ekstradim të Haradinajt në Serbi”, citon REL.
Ramush Haradinaj u ndalua, të mërkurën e kaluar, në aeroportin e Bazelit në bazë të një urdhërarresti ndërkombëtar të autoriteteve serbe të cilat e akuzojnë, siç thonë, për krime lufte në Kosovë në periudhën e viteve të 90-ta.
Një gjykatë në Francë i shqiptoi masën e paraburgimit deri në dorëzimin e kërkesës së Serbisë për ekstradim të tij.
Ramush Haradinaj ishte arrestuar edhe në vitin 2015 në Slloveni në bazë të urdhërarrestit të policisë së Serbisë të vitit 2004 dhe qe mbajtur për disa ditë në arrest në Lubjanë. Në vitin 2012, u shpall i pafajshëm për të gjitha akuzat për krime lufte nga një Gjykatë Ndërkombëtare për Krime Lufte në Ish Jugosllavi.
Rigjykimi në vitin 2012, u bë katër vjet pas një vendimi të së njëjtës Gjykatë e cila më 2008 e nxori të pafajshëm nga të gjitha akuzat që e ngarkonin për shkelje të ligjeve të luftës. Sipas ekspertëve të drejtësisë, ekstradimi i Ramush Haradinajt në Serbi ka pak gjasa të ndodhë, pasi që ai ishte gjykuar për këto krime dhe ishte shpallur i pafajshëm.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim