Kosova importoi 217 milionë euro tekstil, ndërsa eskportoi 1.4 milion euro

Republika e Kosovës importoi tekstil në vlerë 217 milionë euro për një vit, ndërsa vlera e eksportit ishte vetëm 1,4 milion euro

Sipas Agjencisë së Statistikave të Kosovës, importi i veshmbathjeve në Kosovë gjatë vitit 2015 ishte 217 milionë euro ndërsa vlera e eksportit ishte vetëm 1,4 milion euro. Këto statistika tregojnë se sa i dobët është prodhimi vendor në fushën e tekstilit. Të dhënat u ritheskuan gjatë takimit që përfaqësuesit e Shoqatës Kosovare për Marketing të Veshmbathjeve zhvilluan me zëvendëskryeministrin e Republikës së Kosovës, Ramiz Kelmendi.

Shoqata e Kosovës për Marketing të Veshmbathjeve (KAMA), financohet nga projekti Empoëer Private Sector –USAID.

Përfaqësuesit e kësaj Shoqate e informuan zëvendëskryeministrin e Republikës së Kosovës, Ramiz Kelmendi për aktivitetet e shoqatës, për zhvillimin e hovshëm të biznesit  në fushën e prodhimit të tekstilit brenda vendit, e po ashtu edhe për eksportin e këtyre mallrave në vende të ndryshme.

Në takim, po ashtu u diskutua edhe për sfidat e të bërit biznes, me ç’rast përfaqësuesit e Shoqatës KAMA falënderuan për lehtësirat që Qeveria e  Kosovës ka bërë dhe po bënë për bizneset vendore.

Kompanitë po ashtu e informuan zëvendëskryeministrin në lidhje me problemet që bizneset po ballafaqohen me rrymë, importin e parregullt si dhe të kenë për parsiprodhuesit vendor në tenderat publik, i cili do të rregullohej përmes Ligjit të Prokurimit Publik, lirimi i doganës për lenden e pare jo vetëm për makineri si dhe nevojat për aftësim professional për sektorin e veshmbathjeve.

Zëvendëskryeministri Kelmendi, po ashtu përshëndeti iniciativën e Shoqatës për organizimin e një panairi nga fusha e tekstilit në Kosovë, në të cilin do të ftohen dhe biznese nga vendet e jashtme për mundësinë e lidhjes së marrëveshjeve biznesore dhe eksportit të këtyre produkteve.