Tadiq me katër pika për Kosovën

Tadiqi ka thënë se askush nuk mund ta detyrojë Serbinë që të gjejë zgjidhje me Kosovën para se t'i bashkohet BE-së

Kryetari i Serbisë, Boris Tadiq, ka propozuar katër pika të domosdoshme në zgjidhjen e çështjes së Kosovës, transmetojnë mediet serbe.

‘Vijat e kuqe’ të Tadiqit janë ato që edhe pakoja e Ahtisaarit i ka ofruar tashmë, e që janë:

1. Zgjidhje optimale për veriun e Kosovës.2. Garantimi i sigurisë për serbët në enklava3. Rregullimi i statusit të monumenteve kryesore kulturore serbe në Kosovë4. Statusin e të gjitha patundshmërive të serbëve dhe të shtetit të Serbisë në Kosovë.Tadiqi gjithashtu ka vënë në pah se askush nuk mund ta detyrojë Serbinë që të gjejë zgjidhje me Kosovën para se t’i bashkohet Bashkimit Evropian.

‘Ne po bëjmë gjithçka që të zgjidhim çështjen, Serbia po vazhdon politikën paqësore për gjetje të zgjidhjes konkrete të problemit, duke biseduar me Prishtinën. Por çdo përpjekje për zgjidhje të dhunshme mund të çoj te një zhvendosje masive e popullatës’, ka deklaruar kryetari i Serbisë.