Hotelet në Kosovë shfrytëzohen vetëm 10 %

Sa u përket vizitorëve të huaj, numri më i madh është nga: Shqipëria, Turqia e Gjermania

Sipas Agjencisë së Statistikave të Kosovës (ASK), kapacitetet e hoteleve në Kosovë shfrytëzohen vetëm 10.11%, raporton albinfo.ch.

Ky është raporti i kësaj agjenci që ka publikuar statistikat e hotelerisë në Kosovë për tremujorin e katërt (TM4) të vitit 2016.

Gjithnjë sipas ASK të anketuara janë 121 hotele nga e gjithë Kosova, kurse pjesa më e madhe janë nga rajoni i Prishtinës, Pejës e Gjakovës.

“Në këtë tremujor, numri i vizitorëve ishte 26 486, prej tyre: 29.61% janë vizitorë vendorë dhe 70.39 % janë vizitorë të jashtëm. Kurse, numri i bujtjeve ishte 41 303, ku prej tyre: 26.09% e bujtjeve janë nga vendorët dhe 73.91% janë të huajt. Numrin më të madh të vizitorëve dhe net-qëndrimet e tyre e ka rajoni i Prishtinës me 17 013 vizitorë dhe 25 543 net-qëndrime”, thuhet në raportin e kësaj agjencie.

Sa u përket vizitorëve të huaj, numri më i madh është nga: Shqipëria, Turqia, Gjermania, etj.