Me mollë të vendit, Gjakova nuk përmbush as 5 për qind të kërkesave

Molla e venndit po dominon tregun e Gjakovës në javët e fundit, mirëpo kjo nuk pritet të zgjasë shumë meqë në mungesë të sasisë së mjaftueshme tregun do ta pushtojnë sërish pemët nga importi.

Komuna e Gjakovës sipas kultivueseve dhe ekspertëve nuk ka mundësi më shumë se 5 për qind të mbulojë tregun lokal.

Ajo thuhet se ka të mbjella rreth 50 hektarë tokë. Për këtë arsye, Hekuran Hoda, kultivuesi kryesor i mollës në Komunën e Gjakovës, u bën thirrje qytetarëve që të merren me kultivimin e kësaj peme, pasi nuk do të zhgënjehen, raporton Koha Ditore.

Pjetër Frrokaj, kryetari i shoqatës së pemëtarëve “Saturn”, e cila tubon 16 fermerë kultivues të pemëve, thotë se tash për tash në Komunën e Gjakovës janë të mbjella rreth 50 hektarë me mollë.

“Kërkesat e qytetarëve të Komunës janë shumë më të mëdha sesa prodhimi. Ndoshta mund të mbulojmë 5 për qind të tregut me ato që i kemi”, ka deklaruar Frrokaj.