Nuk do që ta shkelë dhelprën dhe ja ku i përfundon makina

Makina është përplasur së pari në kangjellat e anës së majtë dhe pastaj edhe të djathtë të urës, ku më në fund ajo është ndalur. Makina ka pësuar dëmtim total

Ka qenë vetëdija për mbrojtjen e kafshëve apo frika e çastit, nuk është shumë me rëndësi. Ajo që ka ndodhur është shpëtimi i dhelprës dhe pësimi i makinës së një zvicerani.

Një shofer, burrë 40 vjeçar, duke dashur të mos e shkelë një dhelpër që i kishte dalë në rrugë, ka vozitur makinën drejt kangjellave të urës, shkruan polizeinews.ch. Kjo ka ndodhur të martën, pak pas orës 06 në Eichenberg, njofton policia Kantonale e St. Gallenit.

Sipas deklarimit të shoferit, drejt makinës së tij po vraponte një dhelpër, dhe kjo ka bërë që ai për ta shmangur atë, të marrë anën e majtë të rrugës, ku pastaj nuk ka mundur të frenojë, transmeton albinfo.ch. Në këtë mënyrë, makina është përplasur së pari në kangjellat e anës së majtë dhe pastaj edhe të djathtë të urës, ku më në fund ajo është ndalur. Makina ka pësuar dëmtim total, bën të ditur policia.

(Foto: Kapo St.gallen)