Djaloshi godet kundërshtarin e babait në matjet zyrtare

Dy boksierët bënë matjet zyrtare para meçit për titull në kategorinë e mesme WBO, para se Stevie, djali i Saundersit, të hynte në mes

Matja zyrtare e peshave për meçin të boksit mes Billy Joe Saunders dhe Willie Monroe Jr. ra nën hijen e djalit të Saundersit, pasi që ky goditi kundërshtarin e babait.

Dy boksierët bënë matjet zyrtare para meçit për titull në kategorinë e mesme WBO, para se Stevie, djali i Saundersit, të hynte në mes.

Promotori i ndeshjes Frank Warren i vendosi Steviet duart në krahë dhe Monroe ia preku flokët djaloshit. Menjëherë pas kësaj, djaloshi fillimisht goditi me grusht Monroen dhe më pas e shkelmoi.

Saunders mbrojti veprimet e djalit të tij.

“Djali im është mësuar që kur një i huaj t’ia vendosë duart ai e godet dhe largohet në vetëmbrojtje”, ka shkruar 28-vjeçari në Twitter, ndërsa Monroe ka thënë se “Warrenit duhet t’i vijë turp nga vetja”.

Meçi zhvillohet sonte. Para kësaj përballje Saunders ka fituar të gjitha 24 meçet e shkuara, ndërsa Monroe ka humbur dy herë në 23 ndeshje.