Shkon në dhjetë numri i viktimave nga orteku

Janë gjetur edhe tre trupat e fundit, që ishin ngujuar në gërmadhat e shtëpive të tyre në Reselicë pas rënies së ortekut

 14:05   

Ekipet e kërkim-shpëtimit janë duke i vazhduar kërkimet edhe në këto çaste në fshatin Restelicë për gjetjen edhe të tre banorëve tjerë, për të cilët besohet se gjenden nën ortekun e borës, njofron Kosovapress.com.

Mbrëmë, pas orës 2 ishte ndërprerë përkohësisht kërkimi, për shkak të kushteve të jashtëzakonshme klimatike dhe rrezikut të ndonjë orteku të ri.

Deri më tani kanë arritur të gjejnë trupat e pajetë të 7 anëtarë të dy familjeve Reka, ndërsa është gjetur e gjallë edhe një vajzë 5 vjeçare, gjendja e së cilës është stabile.

Komandanti i FSK-së, gjeneral Kadri Kastrati ka njoftuar se 160 ushtarët e Forcës së Sigurisë së Kosovës do të vazhdojnë kërkimet deri sa të gjendet edhe banori i fundit i zhdukur nën borë, edhe përkundër rrezikut që u shfaqet atyre nga orteku i borës.

Në aksionin e kërkimit janë edhe Policia e Kosovës, banorët e fshatit dhe zjarrfikësit.

Numrin e viktimave e ka konfirmuar zyrtarisht ministri i Infrastrukturës, Femhi Mujota, i cili po ashtu u ka bërë thirrje qytetarëve që gjatë këtyre ditëve t’u shmangen vendeve që kanosen nga ortekët e botës, si në Rugovë, Brezovicë e vende tjera malore, ku ka shtresa të mëdha të borës.

——-

  Trupat e Forcës së Sigurisë dhe njësitë e emergjencave civile kanë gjetur edhe tre trupat e fundit, që ishin ngujuar në gërmadhat e shtëpive të tyre në Reselicë pas rënies së ortekut.

Lajmin për gjetjen e viktimës së dhjetë në fshatin Rastelicë, e konfirmoi edhe Zëvendësministri i Forcës së Sigurisë së Kosovës, Shemsi Veseli, njofton gazetaexpress.com.

Ai pohoi se deri më tani nën ortekun e borës janë gjetur 10 trupa të pajetë, derisa vajza 5 vjeçare siç dihet i shpëtoi kësaj tragjedie.

Veseli tha se megjithë gjetjen e trupave që kërkoheshin, pjesëtarët e FSK’së po vazhdojnë pastrimin e shtëpive nën ortekët e borës.

Ai tha se janë marrë të gjitha masat për sigurimi e banorëve të kësaj ane nga ortekët e mundshëm.

Sipas Zëvendësministrit Veseli, pjesëtarët e FSK’së për t’u dalë në ndihmë banorëve të bllokuar nga bora kanë marr aksione për sigurimin e tyre edhe në Morinë e disa rajone të tjera.

---